كل حاجة بتكبر و إحنا ينصغر
30
vote
ليه كل حاجة بتكبر ؟ زمان كنت بشرب الحاجة الساقعة الصغيرة اللذيذة دي, و بعد كده بقي فيه الكانز ثم جاء الصاروخ, و كل الناس دلوقت بقت تشرب الصاروخ. يا عمي أنا مش عايز أشرب الصاروخ.
تروح محل الساندوتشات يقول لك تحب حجم "وسط" ولا "كبير" و لا "كبير أوي", لاحظ إن ما فيش "صغير", و علي فكرة "الكبير اوي" ده ما كنش موجود زمان.
تشتري موبايل فيه بلوتوث, انفراريد, كاميرا 3 ميجا, كارت ميموري, نغمات مجسمة الخ الخ..
تعرف تقول لأ للصاروخ و تقول لأ "للكبير أوي" و تقول أنا مش عايز موبايل بكاميرا ؟
نحن نحتاج إلي إعادة النظر في الإستهلاك.
Post new comment